Póstkort frá Torrevieja

Heil og sæl, ég er staddur á Spáni og mun dvelja þar í tvær vikur í góðu yfirlæti. Við erum hér 13 manns úr fjölskyldunni og gistum í frábæru parhúsi sem er alveg fyrsta flokks, fimm stjörnu kvikindi eins og maðurinn sagði. Ferðin er með rólegu yfirbragði, við höfum þó farið að skoða gamlan kastala, yngsta kynslóðin brá sér í tívolí á meðan aðrir drukku bjór og höfðu það notalegt. Það sem mér finnst þó einna skemmtilegast er að fara út að borða. Á afmælisdegi systur minnar fórum við á ungverskan veitingastað sem sérhæfir sig í nautakjöti. Staðurinn heitir Budapest en eins og flestir vita er það höfuðborg Ungverjalands, maturinn fær hæstu einkunn hjá mér og mæli ég eindregið með honum ef fólk á leið hjá. Einnig varð japanskur veitingastaður á vegi okkar í bæ nokkrum sem kallast Calpe og er ekki svo ýkja langt frá Torrevieja, þar er eldað af mikilli list og fagmennsku fyrir framan nefið á manni og eggjaböku svo skotið uppí munninn á svöngum ferðalöngum. Án efa ein af mínum eftirminnilegustu kvöldmáltíðum. Ég ætla að segja þetta gott í bili úr 35 stiga hitanum og enda þetta á ómerkilegum dægurlaga texta sem mér finnst lýsa þessari ferð minni ákaflega vel. Bestu kveðjur frá Spáni. Það er gott að geta komist annað slagið eitthvert út í heim. Eyða dögum í að safna minningum og kvöldum í rólegheit