Nýr farkostur í Hvammi

Langþráður draumur varð að veruleika í lífi Gunnars þegar kappinn fjárfesti í Lexus IS200 glæsibifreið í dag. Kaupverð fæst ekki uppgefið en blaðamaður náði myndum af bílnum nú undir kvöld og einnig örstuttu viðtali. "Þetta er frábær bíll í alla staði, mjúkur og þægilegur í akstri" sagði kátur kaupandinn. Nú má með sanni segja að prinsinn á hvíta hestinum sé mættur í öllu sínu veldi. Að öðru leiti er ekki margt tíðinda og þó. Strákurinn hyggst skella sér til Spánar í ágúst og sleikja sólina þar í góðu yfirlæti í heilar tvær vikur. Það verður örugglega alveg frábært og nauðsynlegt að komast aðeins út fyrir landssteinana, kynnast nýrri menningu og hvíla sig á ys og þys hversdagsins hérna heima fyrir. Annars er ég bara léttur, ljúfur og kátur og vona að þið hafið það jafn ágætt og undirritaður. Ég þakka fyrir mig í bili.