X - Factor - Megi sá versti vinna

Ég hef sjaldan séð eins lélegt og hallærislegt sjónvarpsefni eins og söngþáttinn X-factor sem er nú á dagskrá á föstudagskvöldum á Stöð 2. Það er afskaplega pínlegt að fylgjast með, líkt og ekkert sé að ganga upp í þessum þætti, stjórnandi þáttarins Halla Vilhjálmsdóttir er ákaflega misheppnuð í hlutverki sínu sem kynnir, ólíkt Jóa og Simma sem eru algjörir fagmenn á þessu sviði. Erfitt að feta í þeirra fótspor. Ekki batnar það þegar kemur að dómaraskrípendunum, Páll Óskar jú vissulega skárstur, Einar Bárðarson sæmilegur og tók uppá því að fella tár í síðasta þætti. En hvaða snillingi datt í hug að ráða þessa Ellý í þennan þátt. Það er ekki heil brú í neinu af því sem þessi manneskja lætur út úr sér. Síðast en ekki síðst er komið að keppendunum og símakosningunni sem hefur verið í meira lagi undarleg, það er eins og verið sé að velja versta söngvarann. Sannaðist best skrípaleikurinn í síðasta þætti þegar blökkumaðurinn Alan fékk að taka pokann sinn. Algjörlega óskiljanlegt þar sem hann var sá eini sem sýndi boðlegan flutning, sönglega séð og hvað alla sviðsframkomu áhrærir. Það er vont en það versnar, held að það eigi mjög vel við að þessu sinni.