Uppgjör helgarinnar

Virkilega góð helgi senn að baki. Glaumurinn og gleðin hófst á föstudagskvöldið þegar ég fór með mínum ástkæra frænda á Rockstar tónleika í Laugardalshöll. Að vanda þá hafði ég þá þörf að vera fremstur meðal tónleikagesta og sú hefð brást ekki. Ég tók upp smá video fyrir ykkur af Magna taka lagið Dolphins Cry. Endilega hlýðið á piltinn hér til hægri. Ég hef ekki mikið vit á hljóðfæraleik en þetta húsband er geggjað. Dilana tók Zombie með stæl, Storm flutti Bohamian Rhapsody með Queen af stakri prýði og Toby var mjög hress og gerði allt vitlaust með Rebel Yell. Þannig að þetta var ótrúlega gaman. Á laugardagskvöldið var mér boðið á afar huggulegt jólahlaðborð á Lækjarbrekku, ákaflega ljúffengur og góður matur þar. Að loknu borðhaldinu var brunað sem leið lá á Klúbbinn í Grafarvogi þar sem Jólaglögg Póstsins fór fram í öllu sínu veldi og þar lék ég við hvurn minn fingur í svokölluðum pool leik. Einstaklega skemmtilegt kvöld og já takk fyrir góða helgi.