Trefill eða hnakki ?

Komiði nú sæl og blessuð. Gunnar óðalsbóndi í Hvammi hefur þurft að treysta á tvo jafnfljóta undanfarna mánuði en nú hefur dregið til tíðinda í bílamálum kappans. Fyrir ekki svo löngu síðan gafst mér færi á að kaupa VW Polo bifreið af Hjördísi sem er afar geðþekk stúlka sem stundar nám við Háskóla Íslands. Við ábúendur í Hvammi þökkum að sjálfsögðu Hjördísi fyrir viðskiptin en ákveðið var að skipta hinum spræka Polo fyrir Hondu Civic. Gunnar er alls ekki svo ókunnur þessum bíl því hann átti einmitt samskonar bifreið þegar hann stundaði menntaskólanám sitt hér um miðja síðustu öld. Ég er tiltölulega sáttur með þetta bílabrask mitt en hvort það sé nú gáfulegt er svo allt annar handleggur. Ég þakka fyrir mig að sinni.