Til hamingju Ísland til Aþenu

Það var aldrei spurning hver myndi fara með sigur af hólmi í forkeppni sjónvarpsins fyrir stóru keppnina í Grikklandi í maí næstkomandi. Lagið Til Hamingju Ísland í flutningi Silvíu Nætur verður framlag okkar í Aþenu. Já, Silvía Nótt kom og rústaði þessu dæmi og fékk tremma mörg stig. Yfir 70 þúsund atkvæði bárust í hús og verður það að teljast ansi sannfærandi sigur. Aðalstjarna kvöldsins Silvía Nótt þakkaði upphitunar hljómsveitunum fyrir af sinni einskæru hógværð. Nú er bara spurning hvort Evrópubúar verða jafnhrifnir en það kemur allt í ljós laugardagskvöldið 20.maí í beinni útsendingu sjónvarpsins. Takiði kvöldið frá því ég held að við séum að fara að vinna þessa keppni í fyrsta skipti. "Til hamingju með að hafa unnið júróvísjón skiluru."