Póstkort frá Lanzarote

Lífið er ljúft hér á Lanzarote. Ég og ásta frænka dveljum á fimm stjörnu hóteli sem heitir Princessa Yaiza og það má með sanni segja að þetta sé algjört dekurhótel, hér er sko allt í hæsta gæðaflokki og allt gert til þess að manni líði sem allra best og ef það koma upp einhver vandamál þá eru þau leyst á svipstundu. Hitastigið er vægast sagt notalegt, alltaf í kringum 30 gráður og þægilegur vindur með. Mér tókst að brenna mig smá á bakinu fyrsta daginn en það er held ég ekkert alvarlegt. Það þarf að fara varlega í sólina hérna því hún er svakalega sterk. Annars er bara allt í blóma og lífið leikur við okkur. Bestu kveðjur frá Lanzarote Gunnar og Ásta. P.s Nokkrar myndir fengu að fljóta með og eru þær að finna á hægri kantinum.