Coke gefur tóninn í allan vetur

Vífilfell er minn nýjasti vinnuveitandi og mun ég starfa hjá þeim við áfyllingu aðra hverja helgi í vetur. Einnig kem ég til með að vera sérstakur aðstoðarmaður dabba frænda sem er að sjá um auglýsingar fyrir coke í kringum Idol Stjörnuleit ásamt því að dæla ísköldu kóki í liðið. Þannig að hver veit nema maður laumi inn myndum frá tökustað við tækifæri. Við vorum einmitt að koma úr Salnum í Kópavogi rétt í þessu þar sem dómnefnd hefur valið 32 einstaklinga sem munu halda keppni áfram. Í ár verður breytt út af vananum en keppnin á þessu stígi hefur verið tekin upp í sjónvarpsal en verður nú á skemmtistaðnum Nasa við Austurvöll. En lokaþættirnir verða í Smáralind eins og áður. Fyrsti þáttur Idol Stjörnuleitar fer í loftið á Stöð 2 föstudaginn 30.september á slaginu hálfníu. Stærri Mynd