Nýr fjölskyldumeðlimur í Hvammi

Þar sem áköf leit mín að kvonfangi hefur engan árangur borið og óteljandi óskir um að fá hund hafa fallið í grýttan jarðveg hefur þó annað og meira rekið á fjörur mínar. Jú, við erum að tala um tígrisdýr sem hefur tekið sér bólsetu hjá okkur í Hvammi. Alveg stórhættulegt kvikindi. Það var minn ágæti félagi og vinur Halldór Ási sem sá um innflutning á dýrinu en það ku eiga rætur að rekja til Þýskalands. Áætlað kaupverð er í kringum tvær milljónir. Einnig er gaman að segja frá því að Halldór lánaði mér afar verðmæta listasögubók í framhaldsskóla og þar sem ég mun ævinlega vera honum þakklátur fyrir lánið hefur tígrisdýrið hlotið viðurnefnið dóri. Eins og sjá má á myndinni er dóri hress og kátur.