Uppstigningardagur

Flott dagssetning í dag 05.05. 2005. Ekkert merkilegt svo sem að frétta af mér nema að mér rann blóðið til skyldunnar og fór með bílinn minn í skoðun í gærmorgun. Ég veit ekki með ykkur en mér finnst þessir menn sem vinna hjá þessum skoðunarstöðvum afskaplega undarlegur þjóðflokkur. Ég er eiginlega alltaf að hallast meira og meira á þá skoðun að þetta sé svona samansafn af þunglyndis sjúklingum. Þeir eru alltaf fúlir, aldrei hressir. Þeim tekst yfirleitt alltaf að finna einhvað að bílnum mínum. Ég fékk tvær athugasemdir, stilling aðalljósa og svo einhvað varðandi handbremsuna. Einhver algjör tittlingaskítur og mér leiðist mjög svona smámunasemi. Hvenær í ósköpunum skapast sú aðstaða að ég þurfi að nota handbremsuna á sjálfskiptum bíl? Mér er bara spurn, svo er líka ekkert að henni. Ég held þessi karlugla hafi bara skáldað þetta upp, það er nýbúið að gera við allt er við kemur bremsukerfi bílsins. Jæja, best að hætta þessu tuði. Það eru víst ekki alltaf jólin.