Strákurinn allur að koma til

Jæja, þá er ég loksins vaknaður af mínum væra blundi og byrjaður að blogga á nýjan leik. Ég gerði mér dagamun og skrapp í kvikmyndahús í gærkveldi með ástu frænku. Fyrsta skipti sem ég fer í bíó á árinu. Mér finnst alltof dýrt í bíó þannig að þá sjaldan sem ég fer þá vil ég sjá alvöru mynd sem er boðleg til áhorfs. Ég og ásta áttum ekki í vandræðum með að velja mynd og fyrir valinu varð The Interpreter með Nicole Kidman og Sean Penn í aðalhlutverkum. Ég verð að segja að þessi mynd kom mér þægilega á óvart, dúndurfínir leikarar, handrit bara nokkuð þolanlegt, róleg á köflum en það er engin mínus. Alveg hin fínasta skemmtun. Ég get alveg fölskvalaust mælt með þessari mynd.