Ragnhildur - Alveg ofboðslega frægur

Frægðarsól Ragnhildar virðist skína ákaflega skært þessa dagana. Ekki nóg með að stelpan, nýi markaðsstjórinn á skjá einum hafi náð að koma sér á framfæri í séð&heyrt nú á dögunum heldur tókst henni líka að lauma sér í Ísland í dag í gærkvöldi. Það er óhætt að segja að Ragga standi í ströngu enda alltaf miklu meira en nóg að gera hjá stúlkunni, en blaðamaður Gunnars náði þó örstuttu einkaviðtali núna síðdegis við sjónvarpsstjörnuna; jæja hvert er næsta takmark? "Jú, ætli maður seti ekki stefnuna á Kastljósið eða jafnvel Silfur Egils en einnig verð ég að segja að útlönd heilla dáldið líka. Það er nátturulega draumurinn að komast í viðtalsþátt hjá Opruh eða Jay Leno, þannig að maður hyggur á útrás eins og er svo vinsælt hjá bönkunum í dag" sagði Ragga ákveðin en var svo rokin á fund.