Idol Stjörnuleit - Egilsstaðir hafa lokið þátttöku

Idolið gekk sinn vanagang á föstudagskvöldið og nú var borið á borð Sálarþema og gladdi það mjög undirritaðan þar sem hann er aðdáandi númer eitt. Gestadómari var enginn annar en krónprinsinn sjálfur Stefán Hilmarsson. Einhvað voru Sálarlögin að flækjast fyrir keppendum og olli þátturinn vonbrigðum. Að þessu sinni kom það í hlut Margrétar Láru að ljúka keppni. Mér þykir ansi skondið að sjá hvað Brynja hefur gott fylgi, það má líkja henni við Sjálfstæðisflokkinn hún hefur svo traust bakland. Greinilegt að lagavalið skiptir máli líka, Sódóma bjargaði Ylfu ekki spurning. Lísa er á leið út í næsta þætti.