Árið gert upp

Jú ég má víst ekki vera minni maður en pappakassi.net ( Bogi ) og fröken Valdís ( Halldór ) þegar kemur að því að gera upp árið sem nú er senn á enda. Þetta var alveg prýðilegasta ár svona þegar maður lítur yfir farinn veg. Hlaupum yfir þetta á hundavaði og förum yfir það helsta. Ég byrjaði árið eftirminnilega á dansleik hjá Sálinni þar sem ég náði einstökum myndum sem komust meðal annars á batman.is og síðar í fréttablaðið. Í öndverðum febrúar fóru bílaviðskipti fram en þá losnaði ég við batman bílinn minn í skiptum fyrir BMW 750iL. Afskaplega góður 300 hestafla fákur sem kemur mér mjúklega á milli staða. Í lok mánaðarins brá ég svo undir mig betri fætinum og fór í helgarferð til London með Valda bróður. Þar tækluðum við helstu ferðamannastaði í þeirri ágætu borg og svo auðvitað hápunkturinn leikur Chelsea-Arsenal á Stamford Brigde sem var alveg hin mesta skemmtun. Í mars tók ég fjöldskylduandann á þetta og skellti ég mér á skauta með frænkum mínum. Það var svo gaman að ég held að stefnan sé að endurtaka leikinn á nýju ári. Um sumarið var ýmislegt brallað. Við, menntaskólakumpánar sprikluðum einhvað í fótbolta og einnig fórum við í Go-Kart hjá Smáralindinni. Þar var undirritaður ekki að gera gott mót og var vinsamlegast beðinn að víkja fyrir þeim er hraðar fóru yfir. Mig minnir að Bogi hafi verið í sérflokki í þessu. Ég man að ég fór á fína tónleika með bresku hljómsveitinni Starsailor í júní á Nasa við Austurvöll ásamt því að ég tók að mér barnfóstruhlutverkið og fór á róló með Evu Hlíf og tók flottar myndir af systurdóttur minni þar. Stórfjöldskyldan í Hvammi sameinaðist í sumarbústað Morgunblaðsins í Biskupstungunum í júlí. Ég fór á Laugardalsvöll 18. ágúst og sá Ísland vinna Ítalíu 2-0 í vináttuleik þar sem áhorfendamet var slegið. Fleiri met voru slegin í ágúst því hitamet var sett í Reykjavík þegar hitastigið fór í 25 gráður. Ekki má gleyma mjög svo skemmtilegu tvítugsafmæli hjá Ísak samstarfsmanni mínum. September var mjög merkilegur mánuður en þá ákváðum við, ábúendur í Hvammi að ráðast í framkvæmdir og endurnýjuðum þakið á gamla kofanum. Á svölum morgni í október brá ég mér á landsliðsæfingu og fékk mér mynd með Íþróttamanni ársins 2004 og leikmanni Chelsea, Eið Smára Gudjohnsen. Undir lok október var svo árshátíð Íslandspóst haldin hátíðleg á Broadway og var það hið ágætasta djamm. Í byrjun nóvember var svo brjáluð endurkoma Sálarinnar á Nasa og þar var Gunni Gunn að sjálfsögðu mættur í öllu sínu veldi. Jólin hafa svo leikið við mig. Ég gaf margar fallegar gjafir sem hittu í mark hjá ungviðinu og glöddu lítil hjörtu enda miklu sælla að gefa en þiggja. Takk fyrir að vera til gott fólk og takk fyrir að lesa síðuna mína, vonandi mun árið 2005 verða mér og ykkur öllum jafn gæfuríkt og það sem er að líða hjá.