Afmælisdagur

Strákurinn er 23ja ára í dag og vil ég byrja á því að óska sjálfum mér til hamingju með þann merka áfanga. Af því tilefni verður sofið fram að hádegi enda er maður að verða háaldrað gamalmenni sem þarf sína hvíld. Nei að öllu gríni slepptu þá hefur vinnusemi mín verið með hreinum ólíkindum undanfarna daga. Við erum að tala um 14 tíma vinnudag þrjá daga í röð sem verður að teljast saga til næsta bæjar. Afmælisfagnaður verður með svipuðu sniði og í fyrra og eru allir velkomnir í heitar pönnukökur og kleinur hjá móður minni. Einnig verður ótæpilegt magn áfengis á boðstólum fyrir þá sem það vilja. Allir sem upplifað hafa veisluhöld í Hvammi vita að þar er ætíð mikið um dýrðir. Ég hvet hér með fólk til að fjölmenna jafnvel þó svo að afmælisbarnið sjálft verði vafalítið að heiman. Góðar stundir.