Fjórir fræknir frændur

Það er ekki á hverjum degi sem við frændurnir hittumst allir en sú varð raunin í dag. Þrátt fyrir gríðarlegar annir við slátt þá gáfu bændur sér færi á myndatöku. Drengirnir voru afar hressir þegar myndatökumann bar að garði enda frekar sjaldgæft að þeir komi allir saman i einu. Lengst til vinstri má sjá Þórarinn Ólafsson óðalsbónda frá Húsavík (bróðursonur minn), honum við hlið er Benedikt Valberg gítarsnillingur frá Hellu (systursonur minn), við hlið mér stendur svo Davíð Hafsteinsson sem er einnig systursonur minn. Og svo slakur á hægri kantinum er sjálfur Gunnar Gunnarsson í Hvammi.