Chelsea úr leik í Meistaradeild Evrópu

Það vissu allir sem einhvað vit hafa á fótbolta að róðurinn hjá Chelsea yrði erfiður gegn Mónakó í seinni leik liðanna í Meistaradeild Evrópu. Eftir slæmt tap á útivelli 3-1 þar sem þeir frönsku fóru á kostum einum færri og léku við hvurn sinn fingur var ljóst að Eiður smári og félagar yrðu að eiga toppleik til að geta komist áfram í úrslitaleikinn gegn Porto frá Portúgal. Allt virtist ganga eins og í sögu því Daninn Jesper Gronkjaer kom Chelsea yfir um miðjan fyrri hálfleik með glæsilegu marki sem var ef til vill fyrirgjöf. Nú eigðu menn von í brjósti. Óskin rættist skömmu síðar þegar Eiður gaf snyrtilega sendingu á "super" Frank Lampard sem kom Chelsea í 2-0 og undirritaður ærðist af fögnuði. Þessar lokatölur hefðu tryggt Chelsea áfram. En Adam var ekki lengi í paradís því hinn ótrúlegi Morientes og þeirra snjalli vængmaður Rothen sáu um að þagga niður í fögnuði þeim er myndast hafði í Hvammi. Síðari hálfleikur var martröð og sé ég ekki ástæðu til í að fjalla mikið um hann. Morientes gekk frá þessum leik enda ógjörningur að skora þrjú mörk á hálftíma gegn svona sterku og velskipulögðu liði eins og Mónakó liðið er. Ég tel að, ef þeim bláu hefði tekist að fara inní leikhléið með 2-0 forystu þá hefði Ranieri og hans menn getað þraukað til leiksloka. En það er alltaf þetta stóra ef. Ef og hefði og ef svo væri að páskarnir væru á jólunum. Hér á myndinni til hliðar sést Eiður Smári Gudjohnsen þegar dómarinn hafði flautað til leiksloka. Chelsea out of Champions Leauge. Strákurinn hágrét enda er alls óvíst að hann fái annað tækifæri til að komast í sjálfan úrslitaleikinn í þessari mögnuðu keppni.