Stórfurðulegur draumur

Mig dreymdi alveg svakalega einkennilegan draum í nótt. Þetta var eiginlega hálfgerð martröð. Málið er að ég var tekinn fyrir ölvunarakstur en ég var ekkert að drekka í draumnum. Svo fékk ég alveg fáránlegan dóm. Ævilang aksturbann og þrjá mánuði í fangelsi. Algjört bull enda reyndi ég mikið að útskýra fyrir lögreglunni að ég hafi ekkert verið á neinu fyllerí. - Jæja, nú fer að styttast í helgarferð Gunna Gunn til London. Brottför er áætluð næstkomandi föstudag og munum við byrja á því að fara í skoðunarferð um Stamford Brigde heimavöll Chelsea. Leikurinn er svo klukkan 12:30 á laugardeginum þannig að maður þarf að rífa sig upp snemma. Ég hef mikla trú á því að ég eigi eftir að verða vitni að sögulegum atburði því mér segir svo hugur að Arsenal eigi eftir að tapa þessum leik. Það mun því verða þeirra fyrsta tap á leiktíðinni í ensku úrvalsdeildinni í knattspyrnu. Ég hvet fólk til að kíkja á Nasa um næstu helgi, leið mín myndi liggja þangað ef ég væri ekki erlendis.