Í fréttum er þetta helst...

Stundum finnst mér eins og ég sé afkastaminnsti bloggari landsins. Það er líkt og grípi um mig einhvers konar sektarkennd og ég reyni af fremsta megni að sauma einhvað saman án árangurs. Á meðan allt er í hversdagslegri lognmollu og heiftarleg ritstífla ríkir í mínum herbúðum þá eru allir aðrir að blaðra á fullu. Óþolandi ástand.
- Það var mikið um merkilegar fréttir í vikunni. Bar helst til tíðinda líkfundur við höfnina á Neskaupstað. Það flækir óneitanlega málsrannsóknina töluvert að ekki er vitað hver maðurinn er eða af hvaða þjóðerni hann er, en nýjustu fréttir herma að fornarlambíð hafi látist af völdum fíkniefna. Óhugnanlegt. Uppþot varð í Hveragerði í vikunni þar sem þrír einstaklingar gengu berserksgang á Hótel Örk og reyndu svo að ræna KB banka. Lögreglan náði þó að koma höndum yfir þessa óprúttnu aðila og eru þeir í gærsluvarðhaldi. Ekki má gleyma umtöluðu lýtaaðgerðinni sem Ruth Reginalds ætlaði að ganga í gengum, þvílíkt og önnur eins vitleysa. Hljómsveitin, Í svörtum fötum hreppti flest verðlaun á Hlustanda verðlaunum FM 957 sem haldin voru hátíðleg í Smáralind og einnig var Jónsi valinn til þess að flytja okkar framlag í Euróvision. Spurning hvort hann sé ekki nógu hommalegur til að vinna þessa keppni.
- Ungu dömurnar á myndinni Sara galdranorn og Margrét álfaprinsessa kíktu í heimsókn til okkar í Hvammi um helgina.